Rithemelimi dhe PL-ja kanë nisur protestën para Bashkisë së Tiranës, duke kërkuar sërish dorëheqjen e kryebashkiakut, Erion Veliaj.
Protestuesit, ndryshe nga herët e tjera, kanë sjellë goma të vjetra para godinës së bashkisë, duke i vendosur ato sipër njëra-tjetrës.
Pranë gomave është edhe një çantë me disa shishe me lëndë djegëse, si dhe një koli me vezë.
Belind Këlliçi ka sulmuar ndër të tjera edhe policinë.
Këlliçi tha se policisë duhet t’i vijë turp, pasi po mbrojnë një hajdut dhe një bandë në pushtet. Ai iu tha policëve “mercenarë dhe mbeturina” që janë vënë në shërbim të pushtetit të Ramës.
Belind Këlliçi: Turp për Policinë e Shtetit që sillet kështu me qytetarët. Kjo betejë bëhët dhe për ju, turp për ju, t’ju vijë zor për familjarët e tu. T’ju vijë turp, se përpara se të jeni policë jeni qytetarë. Ai e pi shishen e verës sa keni ju rrogën. Po mbroni hajdutërinë.
Kjo është një bandë që kërkon përgjigje të merituar. Të protestojmë edhe para parlamentit, që të largojmë Edi Ramën, Taulant Ballën, ndaloni policinë, këta mbeturina që janë mercenarë që shtypin qytetarët. Asnjë qytetar nuk reagoi ndaj policisë dhe kjo që ata bënë ishte e panevojshme.
