Shtatzënia për modelen Hailey Bieber nuk është aq e lehtë sa e kishte pritur. Vetëm një muaj pasi ka njoftuar se është në pritje të fëmijës së saj të parë me bashkëshortin Justin Bieber, Hailey tregon se po përballen me disa probleme fizike si rezultat i shtatzënisë – probleme për të cilat ajo do të kishte dëshiruar të ishte paralajmëruar pak më herët.

Duke ndarë një selfie në një Story në Instagram, Hailey shkroi me humor, “Pra, pse nuk më tregoi njeri se do të kisha dhimbje në shpinë?”

27-vjeçarja nuk është e vetmja që përjeton këto shqetësime – dhimbja në shpinë është një problem i zakonshëm për gratë shtatzëna, i cili shpesh mund të jetë rezultat i mbajtjes së peshës së shtuar ose ndryshimeve në nivelet e hormoneve.