Ministrja e Shtetit për Marrëdhëniet me Parlamentin, Elisa Spiropali, u takua me Zv.Presidenten e Shteteve të Bashkuara të Amerikës, Kamala Harris, në përfundim të ditës së parë të Samitit të Paqes për Ukrainën, i zhvilluar në Zvicër.
Spiropali ndau një foto të takimit në rrjetet sociale, duke e cilësuar takimin si një kënaqësi dhe duke theksuar se ai u zhvillua gjatë darkës së liderëve, e organizuar nga Presidentja e Zvicrës, Viola Amherd.
“Në Samitin e Paqes për Ukrainën me Zv.Presidenten e Shteteve të Bashkuara të Amerikës, Kamala Harris, të cilën ishte kënaqësi ta takoja në përfundim të ditës së parë të samitit, në darkën e liderëve të organizuar nga Presidentja e Zvicrës, Viola Amherd”.