Kryebashkiaku i Tiranës, Erion Veliaj, uroi të gjithë besimtarët për festën e Kurban Bajramit nga selia e Komunitetit Mysliman të Shqipërisë.

Ai theksoi rëndësinë e largimit nga zilia dhe përfolja, duke promovuar bashkëpunimin dhe mirëkuptimin mes njerëzve.

Veliaj falënderoi efektivët e policisë dhe mjekët për shërbimet e tyre gjatë festave, duke vlerësuar përkushtimin e tyre pavarësisht ditëve të pushimit.

Në dallim nga kohët e lashta kur Ibrahimit i kërkohej të bënte djalin kurban, sot na kërkohet të bëjmë kurban thashethemet, zilitë, xhelozitë, përfoljen, baltën, cinizmin, egoizmin. Fryma që duhet të kemi si shoqëri duhet të jetë si ajo që kemi mes besimeve. Sa më të dashur të jemi, sa më shumë të bëjmë kurban këto vese dhe këto cic-mice mes nesh, aq më shumë ecim përpara. Ne kemi treguar se kur ne bashkëpunojmë mund të bëjmë gjëra të mrekullueshme”, tha Veliaj.