Gjykata e Kurorës së Northampton në Britaninë e Madhe ka dënuar dy shqiptarë me nga 2 vite e 4 muaj burgim pasi u kapën në një fermë kanabisi. Fabrizio Zika, 27-vjeçar me profesion hidraulik dhe Elmaz Idrizi, 28-vjeçar punëtor ndërtimi, u kapën në flagrancë nga policia në një shtëpi tre katëshe në Headlands, ku ishte kultivuar kanabis me vlerë 415 mijë paund.

Sipas mediave britanike, shqiptarët kanë dëshmuar se arsyeja për përfshirjen e tyre në këtë veprimtari kriminale ishte për të shlyer borxhet që kishin ndaj bandave të cilat i kishin ndihmuar për të hyrë ilegalisht në tokën angleze.

Zika dhe Idrizi u kapën brenda “shtëpisë së barit” më 23 maj të këtij viti rreth orës 09:00 të mëngjesit. Në këtë shtëpi, policia gjeti 488 bimë kanabisi, si dhe mjete të shumta për rritjen artificiale të bimëve narkotike.

Përllogaritet se këto bimë kanabisi do të prodhonin rreth 83 kilogramë kanabis për konsum.