Artisti i njohur Capital T ka njoftuar në rrjetet sociale se më 16 gusht do të organizojë një tjetër edicion të “Time Capsule” në stadiumin “Selman Stërmasi” në Tiranë. Deri tani, ai nuk ka zbuluar detaje të mëtejshme, por pritet që të jetë një mega-koncert.

Në vitin 2019, Capital T organizoi për herë të parë “Time Capsule” në Tiranë, duke thyer rekorde me pjesëmarrjen e fansave. Vitin e kaluar, ai mbajti koncertin në Prishtinë, ku një nga të ftuarit specialë ishte Akon. Të gjithë janë në pritje për të parë se çfarë surpriza ka rezervuar artisti për këtë vit.