AKU, që pretendohet se garanton sigurinë ushqimore në vend, është përballur me akuza serioze për shkelje nga ana e inspektorëve të saj. Një audit i KLSH në Drejtorinë Rajonale të AKU Qarku Tiranë ka zbuluar se inspektorët, pas konfiskimit të mishit të tregtuar jashtë kushteve të higjienës, nuk e kanë asgjësuar siç duhet.

Mishi i pavulosur dhe i pacertifikuar, që duhej të groposje, është dërguar në dy fabrika përpunimi, Kazazi dhe Balcon Zoo Farm. Sipas KLSH, ky mish nuk duhej të ishte dërguar në këto kompani private, të cilat janë subjekte inspektimi nga AKU dhe nuk kanë asnjë kontratë për ruajtjen e këtij mishi.

Skandali thellohet pasi nuk ka dokumentacion që të vërtetojë asgjësimin e mishit, duke ngritur dyshime se ai mund të jetë rifutur në treg. Investigimi i Ora News pritet të zbulojë reagimet e subjekteve të përfshira në këtë çështje.