Nutricionistja e njohur Diola Dosti, në një intervistë të fundit televizive, ka ndarë detaje për romancën e saj me biznesmenin Erolld Belegu. Ajo shprehet e lumtur dhe e dashuruar, duke theksuar se e ka ndier që në momentin e parë se ai ishte personi i saj i zemrës.

“Ndjehem shumë e lumtur pranë Erolldit, që herën e parë që e kam parë atë, e kam ditur se është njeriu im. Për mua, është mrekullia e 8-të ky njeri. Kur takon atë ndjenjë të maturuar, një dashuri me këmbë në tokë,” tha Diola.

Ajo vazhdoi duke treguar se ky raport e ka rritur atë në shumë dimensione dhe se Erolldi është një person human dhe shumë njerëzor, i cili di si të bëjë për vete. Sipas Diolës, prezenca e Erolldit ka bërë rrugëtimin e saj në jetë më të bukur.

Diola dhe Erolldi kanë bërë publike romancën e tyre muaj më parë dhe tani po i shijojnë ditët së bashku.