Biznesmeni grek Panagiotis Stathis u qëllua me breshëri plumbash brenda automjetit të tij më 2 korrik në Neo Psychiko. Policia greke duket se po shkon drejt zbardhjes së kësaj vrasjeje mafioze, duke identifikuar vrasësin gjakftohtë që qëlloi 54-vjeçarin.

Sipas Protothema.gr, autori i dyshuar i krimit është shtetas grek, i njohur për autoritetet. Analiza e celularit të viktimës ka ndihmuar në identifikimin e tij, ndërsa janë marrë në pyetje persona me njohuri për çështjen, të cilët konsiderohen dëshmitarë kyç.

Raportimet tregojnë se vrasësi ka vepruar i vetëm dhe ka vëzhguar vendin e ngjarjes disa ditë para krimit. Ditën e vrasjes, ai mbërriti në vendngjarje rreth një orë e gjysmë para viktimës. Pasi zbrazi armën e parë mbi 54-vjeçarin, nxori të dytën dhe vazhdoi sulmin.