Faton Hajrizi, i akuzuar për vrasjen e efektivit serb Nikolla Krsmanoviç, është ekzekutuar nga policia serbe. Mediat serbe kanë publikuar foton e të riut nga Kosova, të shtrirë përtokë pa shenja jete.

Hajrizi akuzohej se vrau Krsmanoviçin dhe plagosi kolegun e tij, Vjekoslav Iliç, gjatë një kontrolli rutinë në taksinë ku po udhëtonte. Ngjarja ndodhi afër Loznicës pak pas mesnatës së të mërkurës (18 korrik), dhe Hajrizi kishte vetëm 10 ditë që ishte arratisur nga burgu.

Sipas informacioneve të para, Hajrizi tentoi të kalonte Drinën për t’u arratisur në Bosnje dhe Hercegovinë, por nuk ia doli. Ai u fsheh në një kompleks të braktisur fabrikash, ku prej vitesh strehohen emigrantët nga Presheva në pritje të kalimit përtej Drinës.