Zjarri që shpërtheu në mbetjet e qytetit të Vlorës ditën e djeshme rreth orës 15:00, ka vijuar të djegë gjatë gjithë natës dhe në orët e sotme. Retë e dendura të tymit kanë mbuluar një pjesë të madhe të qytetit, duke shkaktuar shqetësime për pushuesit dhe banorët.

Zjarrfikësit dhe punonjësit e bashkisë po punojnë pa ndërprerje për të shuar zjarrin, por situata mbetet kritike. Për shkak të përmasave të zjarrit dhe vështirësive në shuarje, është kërkuar ndihmë nga forcat e armatosura, të cilat pritet të mbërrijnë për të asistuar në operacion.

Ngjarje të ngjashme kanë ndodhur edhe vitin e kaluar, kur zjarri në mbetjet e qytetit zgjati më shumë se 15 ditë, duke krijuar po ashtu probleme të mëdha për banorët dhe vizitorët e qytetit.