Mëngjesin e sotëm nga Qafë Bota, përveç tre autobusëve të linjave të rregullta Athinë – Sarandë, kanë hyrë edhe dy autobusë të tjerë që sillnin persona për të votuar në Himarë. Sipas burimeve, dy autobusët kishin persona që vinin të organizuar nga stafi i kandidatit Petro Gjikuria.

Edhe mëngjesin e djeshëm nga Qafë Bota kanë hyrë dy autobusë të tjerë. Ndërkohë, nga burime të stafit të Gjikurisë mësohet se përgjatë javës kanë mbërritur me automjete të tyre edhe qindra votues të tjerë, të cilët kanë planifikuar pushimet e tyre përgjatë këtyre ditëve.

Petro Gjikuria, që kandidon nën siglën e “Bashkë Fitojmë” të 10 partive opozitare, me në krye Partinë Demokratike (PD) dhe Partinë e Lirisë (PL), është propozuar dhe mbështetur nga Bashkimi për të Drejtat e Njeriut (PBDNJ) dhe nga organizata minoritare OMONIA.