Një operacion antidroge është zhvilluar në Tiranë, nga ku është sekuestruar një kg kokainë, ndërsa është arrestuar transportuesi, një oficer i forcave RENEA.

Policia ka gjurmuar për disa ditë lëndën narkotike. Arrestimi i efektivit të policisë është bërë nga SHCBA.

Operacioni po zhvillohet nga Drejtoria e Policisë Tiranë, ndërsa efektivi dyshohet se kishte rolin e transportuesit.

Ndërhyrja e policisë për të arrestuar efektivin që shërbente si mburojë erdhi pas informacioneve që Shërbimi për Çështjet e Brendshme dhe Ankesave kishte mbi lëvizjet dhe aktivitetin e jashtëligjshëm të Liçit duke e mbajtur në vëzhgim prej disa javësh.

Pjesëtarit të njësisë elitë në policinë e shtetit por edhe dy të tjerëve iu sekuestruan telefonat dhe sendet e tjera në makinë.

Pritet që edhe në banesat e të arrestuarve të realizohen kontrolle, ndërsa vijojnë hetimet për të zbërthyer grupin e trafikut të drogës.