Të shtëna me armë zjarri janë raportuar mëngjesin e sotëm në Kurbin, afër fshatit Bushnesh. Burime për Shqiptarja.com konfirmojnë se ka pasur një incident ku është qëlluar me armë drejt një makine në ecje. Fatmirësisht, nuk ka pasur të lënduar nga ky rast.

Ngjarja ka ndodhur rreth orës 06:00 të mëngjesit të 11 gushtit, dhe mjeti në fjalë ishte i drejtuar nga një shtetase e huaj, identiteti i së cilës ende nuk është bërë i ditur. Sipas informacioneve të para, drejtuesja e mjetit dhe disa persona të tjerë janë shoqëruar në Komisariatin e Laçit për t’u marrë në pyetje në lidhje me ngjarjen.

Rrethanat e ngjarjes janë ende të paqarta, dhe nuk është e qartë nëse kishte persona të tjerë në makinë dhe cilat janë shkaqet e mundshme të incidentit. Policia dhe grupi hetimor janë në vendngjarje dhe po punojnë për të zbardhur ngjarjen dhe për të identifikuar autorët.