Gjykata ka vendosur masën “arrest me burg” për Marjus Demën, 28-vjeçarin që qëlloi për vdekje Mehmet Qemën në lagjen “5 Maji” në kryeqytet.
Mësohet se kjo masë u kërkua nga prokuroria për Marjus Demën, i cili akuzohet për ‘vrasjes me dashje’ megjithëse ai ka deklaruar se gjithçka ishte aksidentale dhe ai nuk e dinte që arma ishte e mbushur.
Elrin Pekës dhe Blerim Hotit iu caktua masa “detyrim paraqitje”, ndërsa Xhuliano Kocit “arrest në shtëpi”. I vetmi që fitoi lirinë ishte Frenkli Myftari, i cili u vetëdorëzua në polici vetëm disa orë pas vrasjes së 27-vjeçarit.
Të katër shokët e Marius Demës dhe Mehmet Qemës, të cilët ishin të pranishëm në vendngjarje, akuzohen për moskallëzim krimi dhe dolën kokëulur para gjykatës.
Nga salla e gjyqit, Dema ka deklaruar se ngjarja ishte aksidentale, ndërsa shprehu pendesë të madhe për krimin. “Vrava vëllain tim!”,
Në sallën e gjyqit Marius Dema deklaroi se Qemën e kishte si vëlla dhe gjithçka ka ndodhur aksidentalisht, teksa po luante.
Dema, u vetëdorëzua disa orë pas krimit, ndërsa para grupit hetimor tha se ishte i tronditur nga ajo që kishte ndodhur. Sipas tij, ai nuk e dinte që pistoleta kishte plumb.
