Një operacion i koduar “Gjashi” ka çuar në arrestimin e një 43-vjeçari në Lezhë, i cili akuzohet për kultivimin e 250 bimëve kanabisi. Shtetasi Filip Tetaj, banues në fshatin Mërqi, është ndaluar nga policia pas një hetimi dhe kontrollesh në terren.

Në njoftimin e policisë thuhet se gjatë operacionit, i realizuar në kuadër të planit operacional kombëtar “Territor i pastër”, janë asgjësuar bimët narkotike dhe janë sekuestruar farat e kanabisit të gjetur në pronësinë e Tetajt. Ky operacion është një pjesë e përpjekjeve të vazhdueshme për të goditur kultivimin e bimëve narkotike në territorin shqiptar.

Lezhë/Finalizohet operacioni policor i koduar “Gjashi”, kundër kultivimit të bimëve narkotike. Kishte kultivuar në pyll, 250 bimë cannabisi, si dhe posedonte fara cannabisi, me qëllim kultivimin, arrestohet në flagrancë 43-vjeçari. Asgjësohet bimët narkotike dhe sekuestrohen farat narkotike. Si rezultat i kontrolleve dhe hetimeve proaktive që po kryhen në bazë të informacioneve nga inteligjenca policore, të siguruara në zbatim të masave të përcaktuara në planin operacional kombëtar “Territor i pastër”, nga Komisariati i Policisë Lezhë u godit një tjetër rast i kultivimit të bimëve narkotike. Për këtë rast, në kuadër të operacionit policor të koduar “Gjashi”, u kap në flagrancë dhe u vu në pranga shtetasi F. T., 43 vjeç, banues në fshatin Mërqi.

43-vjeçari dyshohet se kishte kultivuar 250 bimë cannabisi, në pyll, në afërsi të fshatit Gjash. Më tej, gjatë kontrollit në një ambient në pronësi të këtij shtetasi, Policia gjeti një sasi farash cannabisi që dyshohet se posedoheshin me qëllim kultivimin. Materialet procedurale i kaluan Prokurorisë pranë Gjykatës së Shkallës së Parë e Juridiksionit të Përgjithshëm Lezhë, për veprime të mëtejshme.