Një ngjarje e rëndë ka tronditur kryeqytetin shqiptar, Tiranën, ku një shtetas amerikan ka kryer një akt tragjik brenda banesës së tij. Matthew James Wertz, 53 vjeç, pedagog i gjuhëve të huaja në një shkollë private në Tiranë, ka mbytur me litar gruan e tij, Indah Lilis Sartika Saragih, si dhe dy qentë e tyre. Pas kësaj, ai i ka dhënë fund jetës duke varur veten.
Ngjarja ka ndodhur në rrugën ‘Vangjel Noti’ në zonën e Laprakës, duke lënë të tronditur komunitetin lokal dhe kolegët e Wertz. Autoritetet janë në vendngjarje dhe po hetojnë për të zbardhur rrethanat e kësaj tragjedie.
