Vajza e aktorit të humorit Agron Llakaj ka festuar ditëlindjen e saj, dhe urimi i të atit ka qenë veçanërisht prekës këtë vit. Në një postim emocionues në Instagram, Agron Llakaj ndau ndjenjat e tij të thella në këtë ditë të veçantë, e cila është e para që e festojnë pa gruan e tij të ndjerë, Kostandina, që humbi jetën pak kohë më parë.
Agroni shprehet se kjo është ditëlindja e parë që vajza e tij, Alkida, do ta kalojë pa pranishmërinë e nënës së saj, por ai është i sigurt se Kostandina, nga “Aty lart”, po e mbështet dhe e inkurajon nga larg. Ai thekson se, edhe pse nuk mund të zëvendësojë dot të emën, do të jetë pranë vajzës së tij me gjithë forcën dhe dashurinë e tij.
“Bija ime Alkida! Sot ti ke ditëlindjen dhe e kuptoj gjithçka ndjen, është e para ditëlindje pa njeriun e shtrenjtë, mamin dhe shoqen tënde të ngushtë, por jam dhe shume i sigurt që nga Atje lart ku është sikur më thotë-hapi shampanjën vajzës Agron!
Nuk të la vetëm…,Adea është rritur dhe e ke shoqen më të ngushtë tani e tutje.
Bija ime! Unë nuk ta zëvendësoj dot mamin por sa të kem frymë e zë, do jem pranë teje me gjithe forcën e dashurisë time.
Shekullofsh shpirt! Shëndeti dhe suksesi yt janë dhe urimi i mamit nga Atje lart.
Buzëqeshi jetës zemër!
Babi si gjithmonë të thote sikur kur ishe e vogël,-“të dua sa qielli e sa bota!”, shkruan aktori.
