Klea Prenga, vajza e cila u sulmua brutalisht nga motrat Antonela dhe Mariela Berisha, ka reaguar për herë të parë pas publikimit të videos që tregonte momentet e dhunës së tmerrshme ndaj saj në një lokal në Tiranë. Në një postim në Instagram, Prenga përshkruan situatën duke thënë se ajo u sulmua teksa ishte duke ngrënë dhe i etiketon dy motrat si “fundërrina, dhjakse.”

Ajo shprehet e vendosur për të luftuar që drejtësia të vihet në vend dhe që motrat Berisha të mbajnë përgjegjësi për veprimet e tyre.

“Të dashur miq, pamjet e sulmit të shpifur u shpërndan sot, ato tregojnë vetëm forcën time për të vazhduar përpara. Edhe pse e gjakosur nuk ndalova së mbrojturi veten time. Dhjakse fundurrina që godasin nga mbrapa një person që është duke ngrënë, harrojnë që ka një Zot atje lart që më mbron. Falenderoj Zotin për forcën që më dha dhe vazhdon të më japë. Unë nuk do të lejoj që dhuna të më mposhtë. Faleminderit të gjithëve për mbështetjen tuaj, ajo më jep forcë të luftoj që drejtësia të shkojë në vendin e duhur. Faleminderit,” shkruan Prenga në postimin e saj.

Ky reagim i Klea Prengës vjen si një përpjekje për të treguar forcën dhe vendosmërinë e saj përballë një situate të vështirë, duke kërkuar që ata që janë përgjegjës për dhunën të përballen me pasojat e veprimeve të tyre.