Prokuroria Speciale e Republikës së Kosovës ka ngritur një aktakuzë në Gjykatën Themelore në Prishtinë – Departamentin Special, ndaj të pandehurit Z.N, i nacionalitetit serb, për krime lufte. Ai akuzohet për dhunë seksuale ndaj një viktimë të nacionalitetit shqiptar gjatë luftës në Kosovë.
Sipas njoftimit të Prokurorisë Speciale, hetimet kanë konfirmuar se gjatë periudhës së luftës në Kosovë në vitet 1998-1999, i pandehuri ka kryer dhunë seksuale ndaj viktimës, duke përbërë kështu një krim lufte kundër popullsisë civile, sipas nenit 142 lidhur me nenin 22 të RSFJ-së.
Çështja penale tani i është kaluar Departamentit Special të Gjykatës Themelore në Prishtinë për procedurë të mëtejshme. I pandehuri është në paraburgim, sipas vendimit të Gjyqtarit të procedurës paraprake, dhe do të mbetet nën këtë masë deri në një vendim të ri nga ana e gjykatës.
“Hetimet kanë vërtetuar se gjatë periudhës kohore të luftës në Kosovë gjatë vitit 1998-1999, i pandehuri ka kryer dhunë seksuale si krim i luftës ndaj një viktimë të nacionalitetit shqiptar”, thuhet në njoftim.
Sipas njoftimit, çështja penale tashmë i ka kaluar në kompetencë Departamentit Special të Gjykatës Themelore në Prishtinë për procedurë të mëtejshme. “I pandehuri gjendet nën masën e sigurisë – paraburgim, sipas vendimit të Gjyqtarit të procedurës paraprake deri në një vendim të ri nga ana e gjykatës”, thuhet në njoftim.
