Një ngjarje e rëndë ka tronditur Britaninë e Madhe, ku një nënë në qytetin West Midlands ka pranuar akuzën që rëndonte mbi të. Ajo dyshohej se kishte therur me thikë vajzën e saj 10-vjeçare.

Incidenti ka ndodhur më 4 mars, kur 10-vjeçarja Sei Kang u gjet e pajetë në shtëpinë e saj. Ajo kishte pësuar plagë të shumta me thikë në gjoks. Nëna e saj, Jaskeerat Kaur, e njohur gjithashtu si Jasmine Kang, u arrestua mëngjesin e të njëjtës ditë pasi policia zbuloi trupin e vajzës.

Gjykatësi ka caktuar një datë për seancën e dënimit më 25 tetor dhe ka urdhëruar që Kaur të paraqitet në gjykatë për të marrë vendimin përfundimtar.

Në një homazh të publikuar nga shkolla ku frekuentonte 10-vjeçarja, Shay, ajo u përshkrua si një fëmijë i zgjuar, i lumtur dhe argëtues, që pëlqehej nga të gjithë.