Oficerët e Interpol në Podgoricë kanë arrestuar shtetasin shqiptar me inicialet H.H., i cili ishte në kërkim ndërkombëtar për tentativë vrasje të disa punonjësve të policisë gjatë kryerjes së detyrës zyrtare në qytetin Verlaine në Belgjikë. Ky arrestim është bërë pas kërkesës nga Interpol Bruksel për të përballuar procedurën penale pranë Gjykatës së Shkallës së Parë në Liège.

H.H. është i akuzuar për një vepër penale në Belgjikë për të cilën mund të dënohet deri në 20 vjet burg. Arrestimi i tij është bërë për ekstradim, duke u bazuar në një urdhër nga gjyqtari hetues. Aktualisht, po zhvillohet një shkëmbim informacioni ndërmjet Ministrisë së Drejtësisë së Malit të Zi dhe Ministrisë së Drejtësisë së Belgjikës për të koordinuar procedurat e mëtejshme.