Një ngjarje e rëndë është regjistruar në Itali ku një 70-vjeçar me origjinë shqiptare ka goditur disa herë me thikë nusen e djalit të tij pas një debati të ashpër. I moshuari, i identifikuar si Luan Xaxhi, ka shkaktuar lëndime të rënda në kokë dhe pjesë të tjera të trupit të 28-vjeçares.

Ngjarja ka ndodhur të premten e 30 gushtit në zonën e Castelnuovo Garfagnana. Pas sulmit, 28-vjeçarja është dërguar në spital dhe aktualisht ndodhet jashtë rrezikut për jetën. Ndërsa, Luan Xaxhi është arrestuar dhe përballë akuzës për vrasje në tentativë. Autoritetet italiane janë duke vazhduar hetimet për të zbardhur të gjitha rrethanat e ngjarjes.