Heidi Baci është bërë sërish kryefjala e mediave rozë për shkak të thashethemeve që qarkullojnë për marrëdhënien e saj me aktorin Romeo Veshaj. Zërat për një krizë në çift u shtuan, veçanërisht pasi Heidi nuk bëri asnjë urim publik për ditëlindjen e Romeos, duke ngritur dyshime rreth situatës së tyre. Megjithatë, deri tani nuk ka asnjë konfirmim apo mohim zyrtar për një ndarje mes tyre.

Ajo që është e dukshme është se çifti vazhdon të ndjekë njëri-tjetrin në rrjetet sociale dhe fotot e përbashkëta nuk janë fshirë nga profilet e tyre, duke lënë mundësinë e hapur se gjithçka mund të jetë thjesht spekulim.

Së fundmi, paparacët kanë kapur Heidi Bacit në ambientet e jashtme të Top Channel, ku ajo shfaqej e vetme, duke pirë një cigare. Kjo ka nxitur spekulime se Heidi mund të jetë duke biseduar për një projekt të ri televiziv. Kujtojmë që marrëdhënia e tyre mori vëmendjen e publikut gjatë pjesëmarrjes së tyre në reality show-n *Big Brother VIP*, ku romanca e tyre u bë një nga temat më të përfolura.