Një aksident i rëndë rrugor ka ndodhur sot në aksin “Lezhë-Milot”, në hyrje të qytetit të Lezhës. Sipas raportimeve fillestare, ngjarja ka përfshirë katër automjete dhe ka shkaktuar disa të plagosur, mes tyre edhe fëmijë.

Të lënduarit janë transportuar menjëherë në spitalin e Lezhës, ku po marrin mjekimin e nevojshëm. Aktualisht nuk dihet gjendja e saktë shëndetësore e tyre, por autoritetet po hetojnë për të sqaruar shkaqet dhe rrethanat që çuan në këtë aksident.

Policia ka mbërritur në vendngjarje dhe po punon për zbardhjen e plotë të situatës.