Robert Berisha ka rikthyer në vëmendje diskutimet mbi ndikimin e ish-bashkëshortes së tij, Nora Istrefit, në karrierën e tij muzikore. Në një intervistë të fundit në podcast-in “Dheze mikrofonin” me Bini Diez, ai ka komentuar se ndihma e Norës në promovimin e tij në Shqipëri ka qenë e vlefshme, megjithatë ai thekson se fama e tij nuk ka qenë e panjohur në Kosovë.

Berisha theksoi: “Unë në ’92, ’93 kur kam dalë në skenë, kur kam dalë në xhirimet e vitit të ri, nuk ka pasur as Youtube, as rrjete sociale, asgjë. Jo po ti e ke famën prej Norës. Nora ka qenë 5 vjeçe kur kam dalë unë në skenë, ama që ma ka dhënë një të shtyrë, po, sidomos në Shqipëri.”

Ai përmendi gjithashtu emra të tjerë të njohur në Shqipëri si Gili, Edona Llalloshi, dhe Adelina Ismaili, duke theksuar se, ndërsa disa artistë arritën të depërtojnë në treg, të tjerë, pavarësisht talentit, nuk patën të njëjtin sukses.

Berisha pranoi se ndihma e Norës ka qenë e rëndësishme për rritjen e famës së tij në Shqipëri, duke e falënderuar atë për këtë ndihmë. “Mua për në Shqipëri më ka dhënë një të shtyrë aq të mirë, e falenderoj përjetësisht,” shtoi ai.