Muhamet Rrumbullaku ka dhënë dorëheqjen nga posti i kreut të Policisë së Shtetit, sipas burimeve jozyrtare të raportuara nga Euronews Albania. Në vend të tij, është komanduar zv/drejtori aktual, Sokol Bizhga, deri në emërimin e një drejtori të ri.

Ministri i Brendshëm, Ervin Hoxha, pritet të mbajë një komunikim të parë me mediat të premten, pas emërimit të tij në krye të këtij dikasteri. Hoxha është i pritur të bëjë ndryshime të mëdha në strukturën e Policisë, pas disa ngjarjeve kriminale të ndodhura gjatë muajve korrik dhe gusht. Po ashtu, ai do të prezantojë platformën e tij politike për rendin dhe sigurinë publike.

Largimi i Rrumbullakut do të hapë rrugë për zgjedhjen e kryepolicit të ri, i cili do të emërohet përmes një procesi konkurimi, në përputhje me ligjin e ri për Policinë e Shtetit, i miratuar në sesionin e kaluar parlamentar.