Deputetja e Partisë Demokratike (PD), Albana Vokshi, njëherësh kryetare e Lidhjes Demokratike të Gruas, shprehu keqardhje për mungesën e emrave të grave në listën e drejtuesve politikë të qarqeve të prezantuar ditën e djeshme. Në një lidhje televizive, Vokshi theksoi se, pavarësisht kësaj mungese, ishte e bindur se drejtuesit e rinj do të bënin një fushatë model në zonat ku ishin caktuar.

“Ata që janë emëruar si drejtues politikë të qarqeve janë kolegë që do të bëjnë një fushatë model në çdo rajon ku janë caktuar. Kam keqardhjen time që në këtë listë nuk ka emra zonjash, pavarësisht se në Parlamentin e PD dhe në raportin e fundit të ISP janë 4 zonja,” deklaroi Vokshi.

Ajo shtoi se, gjatë mbledhjes së djeshme, ishte diskutuar që Forumi Rinor i PD dhe Lidhja Demokratike e Gruas në Shqipëri do të luanin një rol të rëndësishëm në fushatë. Këto forume do të koordinojnë pjesën e angazhimit me të rinjtë dhe gratë, duke përpjekur të sjellin prurje nga këto grupe në drejtimin e fushatës.