META ka vendosur të përmirësojë funksionalitetin e Instagram Stories me një ndryshim të rëndësishëm. Së shpejti, komentet që do të bëhen në një “Story” do të jenë publike, duke ndryshuar mënyrën e ndërveprimit me këtë format. Deri më tani, komentet ishin private dhe shfaqeshin si mesazhe drejtuar autorit të postimit. Ky ndryshim synon të rrisë ndërveprimin në platformë dhe do të zbatohet gradualisht për të vlerësuar reagimet e përdoruesve.

Aktualisht, ky përditësim ende nuk ka arritur në Shqipëri. Megjithatë, përdoruesit duhet të kenë parasysh se mesazhet që dërgojnë në “Story” së shpejti do të jenë komente publike, të dukshme për të gjithë.