Kryeministri Edi Rama ka reaguar ndaj mënyrës se si mediat kanë trajtuar një ngjarje kriminale në Pogradec, duke e quajtur atë një “film të kronikës së zezë”. Ai theksoi se komunikata e policisë u hodh në cepat e lajmeve dhe u përhapën lajme të rreme, duke përfshirë pretendimin se vrasja kishte ardhur si pasojë e një gjobe të papaguar, gjë që Rama e quajti “gënjeshtër”, pasi nuk ka pasur asnjë gjobë të tillë.
Rama hodhi poshtë akuzat se në Pogradec sundojnë bandat kriminale dhe se policia kishte tentuar të fshihte krimin. Ai nënvizoi se shpejtësia e policisë në identifikimin e autorit të krimit dhe mbërritja e ambulancës janë të dokumentuara. Kryeministri po ashtu mohoi pretendimet se autori i krimit kishte mbrojtje politike, duke theksuar se Partia Socialiste nuk mbron askënd, përfshirë ministrat e saj, kur kërkohen nga drejtësia.
Edi Rama: U prodhua një film i kronikës së zezë. Komunikata e policisë u hodh në cepat e lajmeve mediatike. U tha me të madhë se vrasja kishte ardhur si pasojë e një gjobe të papaguar. Gënjeshtër. Nuk ka pasur asnjë gjobë. U shkrua se në Pogradec ligjin e bënkan bandat kriminale. U vu kuja se policia kishte tentuar të fshihtë krimin. Shpejtësia e policisë në identifikimin e autorit të krimit është ë dokumentuar.
Arritja e ambulancës është e dokumentuar. U përhap fjala se autori kishte mbrojtje politike. PS nukmbron as ministrat e saj kur kërkohen nga drejtësia. Po rai dajë i autorit prej kohësh nuk ka asnjë angazhim më Partinë Socialiste. Por i ndjeri ishte punonjës i OSSHE-së. Edhe me ndihmën e një prokurori të paaftë në rastin më të mirë, e ndryshoi nga “vrasje me dashje” në “vrasje nga pakujdësia”. U bë politikë një vdekje tragjike. Ndërkohë çështja ishtë dorëzuar nga policia pushtetit gjyqësor.
