Kryedemokrati Sali Berisha ka analizuar gjendjen aktuale të Partisë Socialiste, duke deklaruar se kjo parti tashmë nuk ekziston më në formën e saj tradicionale. Sipas Berishës, Partia Socialiste është transformuar në një grupim të cilin ai e përshkruan si “lub spiunësh, hajdutësh dhe kriminelësh”. Sipas tij, kjo është gjendja e sotme e kësaj force politike nën udhëheqjen e Edi Ramës.
Berisha ka theksuar se Partia Socialiste është kthyer në një organizatë ku mbizotëron frika dhe mungesa e besimit midis anëtarëve të saj. Sipas tij, të gjithë janë kundër njëri-tjetrit dhe të gjithë kanë frikë nga njëri-tjetri, duke u përpjekur të spiunojnë dhe të mbulojnë krimet e tyre. Ai akuzon Ramën për mbikëqyrjen dhe regjistrimin e bisedave të anëtarëve të partisë përmes njerëzve si Dumani, duke përdorur këtë informacion për t’i kontrolluar ata.
“Miqtë e mi, PS sot nuk ezkiston. Rilindja është shndërruar në një lub spiunësh, hajdutësh, kriminelësh. Ai që dikur është quajtur solidariteti socialist, sot është spiunim pa pare. Dhe spiuniojnë, sepse mendojnë se duke spiunuar këtu dhe aty, mbulojnë krimet e tyre, mbulojnë gjëmat e tyre, mbulojnë bëmat e tyre.
Kjo është pasaporta morale e tyre. I shoi, edhe socialistët e fundit i përzuri, dhe tani ka vetëm partinë e tij, një parti ku të gjithë janë kundër të gjithëve, ku të gjithë kanë frikë nga njëri- tjetri, ku të gjithë spiunojnë njëri-tjetrin, dhe ky i kontrollon ata me Dumanin që i regjistron gjithë botën dhe i jep të dhënat.
Pra, miq kjo është gjendja e vërtetë. Sot shqiptarët tanë panë se me Edi Ramën do të shkohet drejt rrënimit. Kanë ikur 1 mln, do ikë dhe 1 mln tjetër, dhe për të është realizim qëllimi, sepse votojnë kundër tij.
PD do e përmbushë këtë mision. Unë garantoj qytetarët shqiptarë se kalimi në qeveri teknike është kushti për zgjedhje të barabarta, për rotacion dhe për zbatimin e një programi që Shqipëria dhe shqipëtarët nuk kanë njohur kurrë më të mirë.”- deklaron Berisha.
