Ardjan Ismajli, mbrojtësi i Kombëtares shqiptare, ka komentuar fitoren 1-2 ndaj Ukrainës në Ligën e Kombeve. Ai theksoi se Ukraina ishte një kundërshtar i fortë fizikisht, duke e krahasuar me Çekinë, dhe u shpreh se fitorja erdhi falë një taktike të shkëlqyer dhe mbështetjes së jashtëzakonshme të tifozëve.

“Është hera e parë që mposhtim Ukrainën. Ndërkohë, edhe pse nuk ishim pjesë e Europianit, duhet të përqendrohemi në të ardhmen dhe të ecim përpara me këtë fitore të rëndësishme. Kemi hapur një cikël të ri dhe tani duhet të përgatitemi për ndeshjen ndaj Gjeorgjisë të martën,” tha Ismajli.

Ai gjithashtu ka mohuar çdo polemikë me trajnerin, duke theksuar se ka pranuar zgjedhjet e tij me sportivitet dhe se çdo thënie tjetër është e pavërtetë. “Nëse do të kisha probleme me trajnerin, nuk do të isha këtu. Nuk kam pasur dhe nuk do të kem probleme me trajnerët gjatë karrierës sime.”

Në fund, Ismajli e dedikoi këtë fitore dhe gol për familjen e tij, për të cilën tha se ka bërë shumë që ai të arrijë këtu.