Një zjarr i fuqishëm ka përfshirë një subjekt prodhimi të mobilerive në lagjen “Dobrovë” të Peshkopisë, duke shkaktuar dëme të mëdha ekonomike. Për shkak të natyrës së materialeve prej druri të magazinës, flakët u përhapën me shpejtësi në ambientet e fabrikës, duke përkeqësuar situatën.

Menjëherë pas shpërthimit të zjarrit, forcat zjarrfikëse të Bashkisë së Dibrës mbërritën në vendngjarje dhe arritën të neutralizojnë flakët. Megjithatë, ende nuk dihet me siguri shkaku i rënies së zjarrit. Paraprakisht, dyshohet se ai mund të jetë shkaktuar nga një shkëndijë elektrike. Hetimet për të zbuluar shkakun e saktë janë duke vazhduar.