Gazetari dhe influenceri Olti Curri u vu përballë një mesazhi të pazakontë nga një ndjekës në Instagram, i cili i shprehte shqetësimin për një ndarje të mundshme mes çiftit Romeo Veshaj dhe Heidi Lushtaku. Në mesazhin e tij, ndjekësi shprehej: “Po kalojmë në ankth dhe paranoja, thuaj Romeos dhe Heidit të reagojnë. Kemi frikë mos janë ndarë.”

Me natyrën e tij karakteristike plot humor, Olti nuk e la këtë mesazh pa një përgjigje. Ai u përgjigj në mënyrë ironike, duke shkruar: “O Allah mbaje dorën, mbaje dorën. Po ku di unë çfarë bën Heidi, Romeo dhe gjithë të tjerët. Olti, jepi drejtim njerëzve se kanë rënë në depresion se mendojnë se janë ndarë.”

Ai vazhdoi me ironi, duke sugjeruar që ndjekësit të kontaktonin personazhe të tjerë të njohur për informacion: “Sekretin e marrëdhënies së Romeos dhe Heidit e di vetëm Eraldo Rexho. Shkruajini atij të gjithë, ose Rozana Radi. Jam shumë i sigurtë se ajo ka shumë informacion. Kujt t’ia hap varin tjetër [që ka informacion]? Megi Pojani!”

Në fund, gazetari kërkoi që të mos i shkruajnë më për këtë temë, duke nënvizuar se nuk ka informacion rreth marrëdhënies së çiftit, duke e lënë situatën me një notë komike.