Autoritetet lokale në Selanik kanë ngritur alarmin për zhdukjen e një vajze 23-vjeçare nga zona e Harilaou. Artiola Mesi, e cila ka origjinë shqiptare, është raportuar e zhdukur që nga pasditja e 11 shtatorit, dhe ka indicie që mund të vënë në rrezik jetën e saj.

Sipas njoftimit të “Buzëqeshja e Fëmijës”, i publikuar më 16.09.2024, Artiola Mesi ka qenë e veshur me një bluzë rozë dhe pantallona të shkurtra xhins në momentin e zhdukjes. Ajo është e gjatë rreth 1.60 m, me flokë të zinj dhe sy të gjelbër, dhe ka një tatuazh në krahun e majtë, që paraqet një flutur.

Në përpjekje për të gjetur Artiolën, janë dhënë këto informacione dhe janë bërë thirrje për ndihmë nga publikimi i detajeve të saj. “Buzëqeshja e Fëmijës” është angazhuar për të shpërndarë informacionin dhe për të kërkuar ndihmën e qytetarëve në këtë rast.

Kushdo që ka ndonjë informacion mbi vendndodhjen e Artiola Mesi është i lutur të kontaktojë “Buzëqeshja e Fëmijës” në telefon 24 orë në ditë, në “Linjën Kombëtare për të Rriturit e Humbur – 1017”, në të gjitha Drejtoritë e Policisë në vend, ose përmes aplikacionit Missing Alert, ku mund të gjenden informacione të drejtpërdrejta mbi zhdukjen e saj.