NASA ka paralajmëruar për një asteroid me madhësi stadiumi, i cili do të kalojë afër Tokës të martën, më 17 shtator. Asteroidi 2024 ON, që ka një gjatësi prej rreth 290 metrash, është nën vëzhgimin e Laboratorit Jet Propulsion të agjencisë amerikane të hapësirës.

Kjo trupë qiellore ka kaluar për herë të fundit pranë Tokës në vitin 2013 dhe pritet të bëjë një tjetër afrim në vitin 2035. Ndërsa asteroidi po udhëton me një shpejtësi prej rreth 40,000 kilometrash në orë, ai po monitorohet nga Projekti Virtual Telescope, i cili e kapi më 9 shtator.

Megjithëse konsiderohet “potencialisht i rrezikshëm”, asteroidi do të kalojë në një distancë minimale prej 2.6 herë më të largët se distanca mesatare hënore, duke mos paraqitur rrezik për Tokën në trajektoren e tij aktuale. Megjithatë, shkencëtarët theksojnë se një devijim i vogël i kursit të tij mund të ketë pasoja të mëdha, ndaj monitorimi i tij është thelbësor.