Partia Demokratike ka shpallur ditë zie ditën e enjte, 19 shtator 2024, në nderim të ish-deputetit Gert Bogdani. Në këtë kuadër, të gjitha aktivitetet e PD-së për datat 18 dhe 19 shtator do të anulohen në të gjithë vendin.
Sipas njoftimit zyrtar nga zyra e medias dhe komunikimit të PD-së, flamuri kombëtar dhe flamuri i partisë do të ulen në gjysmështizë në të gjitha selitë e partisë, ndërsa në orën 12:00 do të mbahet një minutë heshtje për të nderuar figurën e ish-deputetit.
