Moderatorja e njohur Liberta Spahiu prej kohësh ka qenë objekt i thashethemeve për një lidhje të mundshme me artistin e njohur Flori Mumajesi. Asnjëri prej tyre nuk ka konfirmuar apo mohuar publikisht marrëdhënien, megjithatë imazhet e publikuara herë pas here në media kanë ngritur dyshime për një lidhje romantike.

Në një bisedë virtuale me ndjekësit e saj, Liberta u përball me pyetje të shumta, përfshirë edhe një që ishte veçanërisht e drejtpërdrejtë. Një ndjekës e pyeti: “Ku e ke Florin aman mi gocë?”. Në përgjigje, Liberta nuk hezitoi dhe me një ton humoristik u shpreh: “Këtu por refuzon të dalë, nuk ka interes,” duke lënë të kuptohet për një moment nga prapaskena, teksa shikonte në drejtim të dikujt.

Përgjigja e saj e paqartë dhe lojale ka ngritur edhe më shumë spekulime për natyrën e marrëdhënies mes saj dhe Florit, duke e mbajtur publikun në pritje për ndonjë konfirmim zyrtar.