Të paktën katër persona janë vrarë dhe dhjetëra të tjerë janë plagosur nga disa të shtëna me armë zjarri në një nga zonat më të njohura argëtuese në Birmingham, Alabama, të Shteteve të Bashkuara. Ngjarja e rëndë ndodhi të shtunën në mbrëmje, sipas Departamentit të Policisë së Birminghamit.

“Rreth orës 23:00 u raportuan shumë të shtëna armësh mbi një grup njerëzish në zonën Five Points South,” tha oficeri i policisë, Truman Fitzgerald. Policia gjeti trupat e dy burrave dhe një gruaje në vendin e ngjarjes, ndërsa një viktimë e katërt vdiq nga plagët e plumbave në spital.

Shtë e paqartë se si ndodhi ngjarja dhe çfarë i shtyu autorët drejt këtij akti të rëndë. Disa agjenci të zbatimit të ligjit po ndihmojnë në hetim, sipas Fitzgerald. Policia e Birminghamit ka kërkuar që bizneset në zonë të ofrojnë pamjet e regjistruara nga kamerat e sigurisë, duke inkurajuar gjithashtu publikun të kontaktojë me çdo informacion përkatës.

“Të jeni të sigurt, ne do të bëjmë gjithçka që mundemi për të siguruar që të zbulojmë, identifikojmë dhe gjurmojmë se kush ishin autorët përgjegjës për këto vrasje,” tha ai.