Kryetarja e Komisionit për Çështjet Evropiane, Jorida Tabaku, zhvilloi një takim të rëndësishëm me homologun e saj italian, senatorin Gulio Terzi di Sant’Agata. Në një konferencë të përbashkët për media, Tabaku theksoi dy çështje kryesore që ajo ngriti gjatë bisedës: roli i opozitës në procesin e integrimit evropian të Shqipërisë dhe rëndësia e standardeve të larta për procesin zgjedhor.

Tabaku u shpreh se një vend që synon hapjen e negociatave me Bashkimin Evropian nuk mund të ketë zgjedhje që nuk përmbushin standardet evropiane. Ajo theksoi se roli i opozitës në procesin politik dhe parlamentar është thelbësor për demokracinë dhe përparimin e vendit drejt integrimit në BE.

“Kemi forcuar marrëdhëniet miqësore me Italinë dhe senatorin Terzi, duke e çuar këtë bashkëpunim në një nivel të ri. Shqipëria është pjesë gjeografike e Evropës dhe, si përfaqësuese e opozitës, unë konfirmova që e ardhmja jonë është vetëm përmes këtij procesi integrues,” u shpreh Tabaku. Ajo nënvizoi gjithashtu rëndësinë e zgjedhjeve të ardhshme, duke theksuar se për herë të parë, shumë shqiptarë që jetojnë jashtë vendit do të kenë mundësinë të votojnë në procesin elektoral.

Nga ana e tij, senatori italian Giulio Terzi vlerësoi marrëdhëniet politike mes Shqipërisë dhe Italisë, duke theksuar se ato janë në nivelin më të lartë