Një ngjarje e rëndë ka ndodhur gjatë natës në Yzberisht, ku një efektiv i burgjeve është dhunuar dhe është dërguar me urgjencë në Spitalin e Traumës në Tiranë. Gjendja shëndetësore e tij mbetet ende e paqartë.
Autorët e sulmit, të cilët deri më tani mbeten të paidentifikuar, i kanë marrë efektivit armën e shërbimit dhe janë larguar nga vendngjarja. Aktualisht nuk dihen motivet që kanë çuar në këtë akt të rëndë, dhe policia është duke kryer hetime për të zbuluar autorët dhe rrethanat e plota të incidentit.
