Policia ka bërë publike detaje rreth dhunimit të një efektivi të burgut 313, i cili është sulmuar mëngjesin e sotëm, më 28 Shtator 2024, rreth orës 05:00, në rrugën “Tre Dëshmorët” në Yzberisht, Tiranë. Viktima, i identifikuar me inicialet A. L., 36 vjeç, u godit me sende të forta nga tre persona të paidentifikuar sapo doli nga banesa e tij.
Autorët jo vetëm që e sulmuan fizikisht, por i morën edhe armën e shërbimit dhe u larguan nga vendi i ngjarjes. Fatmirësisht, 36-vjeçari ndodhet nën kujdesin e mjekëve dhe është jashtë rrezikut për jetën.
Tiranë/Informacion paraprak
Më datë 28.09.2024, rreth orës 05:00, në rrugën “Tre Dëshmorët”, Yzberisht, shtetasi A. L., 36 vjeç, banues në Yzberisht, (punonjës pranë burgut 313) sapo ka dalë nga banesa është goditur dyshohet me sende të forta nga tre persona ende të paidentifikuar, të cilët i kanë marrë armën e shërbimit dhe më pas janë larguar.
Aktualisht 36-vjeçari ndodhet në spital në kujdesin e mjekëve, jashtë rrezikut për jetën.
Grupi hetimor po punon për kapjen e autorëve të dyshuar dhe sqarimin e rrethanave të ngjarjes.
