Këngëtarja e njohur shqiptare, Ronela Hajati, ka trazuar rrjetin me një deklaratë të pazakontë që ka ndarë në Instastory. Ajo ka lënë të kuptohet se njeh disa shqiptarë që janë sinonim i figurës së reperit të njohur amerikan, P. Diddy.

“I kam ca emra shqiposh, sinonim të atyre të P. Diddy,” ka shkruar Ronela në mesazhin e saj.

Deklarata e Ronelës vjen në një kohë kur reperi P. Diddy (Sean Combs), 54 vjeç, është përfshirë në një skandal të madh. Javën e kaluar, ai u arrestua dhe u padit në Distriktin Jugor të Nju Jorkut me akuza për shantazh, trafikim seksual dhe trafikim për angazhim në prostitucion.

Deklarata e Ronelës ka ngjallur shumë reagime dhe spekulime, duke lënë fansat e saj kuriozë mbi emrat që ajo kishte në mendje.