Kreu i opozitës, Sali Berisha, ka reaguar ashpër pas përdorimit të gazit lotsjellës nga Policia gjatë protestës kombëtare. Sipas tij, autoritetet nuk kanë kursyer as fëmijët, duke i vënë ata në rrezik përmes përdorimit të forcës. Berisha e cilësoi policinë si “narko-banditë” dhe i akuzoi për përdorimin e gazit kundër qytetarëve të pafajshëm.

Në reagimin e tij, Berisha ka ndarë një video prekëse ku shfaqet një vajzë e mitur që qan për shkak të efektit të gazit lotsjellës. “Narko-banditët hedhin gaz kundër fëmijëve!” – shkroi ai, duke e denoncuar veprimin e policisë si një akt të dhunshëm që nuk kursen as më të vegjëlit.