Një ngjarje e rëndë ka tronditur sot fshatin Sallatinë në Tetovë, Maqedonia e Veriut, ku një burrë ka vrarë gruan e tij 38-vjeçare dhe vajzën e tyre të mitur. Djali i tyre 9-vjeçar ndodhet në spital në gjendje kritike.

Trupat e pajetë të gruas dhe vajzës janë zbuluar nga nëna e viktimës, e cila, pasi nuk arriti të kontaktonte me vajzën e saj në telefon, shkoi në banesë dhe njoftoi menjëherë policinë pas zbulimit të trupave.

Autori i krimit është arrestuar nga autoritetet, ndërsa policia dhe prokuroria po kryejnë hetime intensive në vendngjarje për të zbardhur detajet e plota të rastit.