Një burrë 58-vjeçar, Shpëtim Murati, është gjetur i pajetë brenda një kamioni në fshatin Barç, në Korçë. Sipas informacioneve paraprake, Murati kishte shkuar pranë një subjekti për ngarkim dhe shkarkim të materialeve nga kamioni.
Dyshohet se ai ka pësuar një infarkt dhe ka ndërruar jetë brenda mjetit. Policia ka mbërritur në vendin e ngjarjes, ndërsa trupi është dërguar në morg për ekzaminim mjeko-ligjor. Hetimet po vazhdojnë për të sqaruar rrethanat e ngjarjes.
