Një ngjarje e rëndë ka tronditur sot pasdite qytetin e Leskovikut, ku një 40-vjeçar, sipas informacioneve të para të policisë, i ka dhënë fund jetës duke u vetëvarur. Sipas njoftimit të dhënë nga Policia e Shtetit, sinjalizimi erdhi nga një banor i zonës, i cili raportoi vendndodhjen e saktë të ngjarjes.

Policia ka mbërritur menjëherë në vendngjarje dhe po punon për të sqaruar plotësisht rrethanat e tragjedisë, si dhe për të marrë në pyetje dëshmitarët që mund të kenë dijeni për ngjarjen.

Deklarata e policisë:

Rreth orës 18:00, pranë oborrit të banesës së tij, është gjetur i vetëvarur shtetasi E. S., rreth 40 vjeç, i cili dyshohet se vuante nga depresioni. Nga këqyrja paraprake e trupit nuk janë konstatuar shenja dhune. Grupi hetimor po vazhdon punën për të sqaruar rrethanat e kësaj ngjarjeje tragjike.