Gjatë mbrëmjes së sotme, më 9 tetor, reshjet e dendura të shiut kanë shkaktuar probleme në zonën e Zadrimës, në Lezhë, veçanërisht në fshatin Fishtë. Si pasojë e intensitetit të lartë të shiut, përrenjtë kanë vërshuar, duke bllokuar disa rrugë në zonë. Uji ka arritur disa centimetra, duke krijuar pengesa në lëvizje.
Raportohet gjithashtu se disa banesa janë në rrezik për shkak të përmbytjeve nga vërshimi i përrenjve. Për të përballuar situatën emergjente, shtabet e emergjencave civile kanë shkuar në terren dhe po punojnë për menaxhimin e pasojave dhe për të ndihmuar banorët e prekur nga përmbytjet.
