Lulzim Toçi, 30-vjeçari shqiptar që vrau bashkëshorten e tij Eleonora Toçi, ka dëshmuar për rreth dy orë përpara hetuesve italianë. Gjatë dëshmisë së tij, Toçi ka përsëritur se nuk e kupton as vetë arsyen pse kreu krimin. “Nuk di ta shpjegoj se e bëra,” tha ai, sipas burimeve mediatike italiane.

Vrasja e 24-vjeçares ndodhi në orët e para të mëngjesit në shtëpinë e tyre në via Caravaggio, San Felice a Cancello. Toçi u mor në pyetje për tre orë në burgun e Santa Maria Capua Vetere, ku ai ndodhet që prej arrestimit. Ai konfirmoi para hetuesve se e kishte mbytur gruan me duar të zhveshura në dhomën e gjumit, ndoshta ndërsa fëmijët ishin ende duke fjetur.

Edhe gjatë kësaj dëshmie, Toçi nuk ishte në gjendje të shpjegonte motivet e veprimit të tij. Ndërkohë, avokati i tij, Orlando Sgambati, pritet të kërkojë caktimin e një konsulenti për vlerësimin psikiatrik të tij.