Kryeministrat e gjashtë vendeve të Ballkanit Perëndimor nënshkruan sot (14 tetor 2024) një plan të ri për tregun e përbashkët rajonal dhe një marrëveshje për lëvizshmërinë, përfshirë qasjen në arsimin e lartë, gjatë samitit të Procesit të Berlinit në Berlin. Samiti u udhëhoq nga kancelari gjerman, Olaf Scholz, dhe morën pjesë edhe presidentja e Komisionit Evropian, Ursula von der Leyen, si dhe përfaqësues të vendeve partnere.

Scholz theksoi se marrëveshjet e reja “do ta lehtësojnë jetën e përditshme të njerëzve”. Plani i ri për tregun e përbashkët rajonal është pjesë e Planit të Rritjes për Ballkanin Perëndimor, i miratuar nga Bashkimi Evropian në maj, me një vlerë prej gjashtë miliardë eurosh. Ky plan synon të mbështesë reformat rajonale në përputhje me BE-në dhe të stimulojë rritjen ekonomike.

Ndërkohë, BE-ja ka miratuar agjendat e reformave për pesë vende të rajonit, përveç Bosnje dhe Hercegovinës, duke hapur rrugën për pagesat e para nga paketa e ndihmës. Kosova pritet të përfitojë mbi 880 milionë euro nga ky plan, prej të cilave 250 milionë janë grante.

Scholz vuri në dukje rëndësinë e zbatimit të plotë të marrëveshjeve të mëparshme për të avancuar integrimin evropian. Ai ritheksoi se “e ardhmja e Ballkanit Perëndimor është në Bashkimin Evropian” dhe i bëri thirrje Kosovës dhe Serbisë të zgjidhin çështjet dypalëshe dhe të ecin drejt normalizimit të marrëdhënieve. Ai gjithashtu përgëzoi Kosovën për progresin e saj në Marrëveshjen e Tregtisë së Lirë të Evropës Qendrore (CEFTA).

Procesi i Berlinit, që filloi dhjetë vite më parë, synon të mbështesë vendet e Ballkanit Perëndimor në rrugën e tyre drejt anëtarësimit në BE dhe të forcojë bashkëpunimin rajonal. Rezultatet e samitit pritet të prezantohen në një konferencë për shtyp nga Scholz dhe